iPhone 3GS

Apple-ის დეველოპერებმა WWDC-ზე (Worldwide Developers Conference 2009)  ახალი iPhone წარმოადგინეს. iPhone3GS – რომელსაც ყველა ასე სულმოუთქმელად ელოდა. 3GS გარეგნულად ძალიან გავს iPhone 3G-ს, ანუ შეიძლება ითქვას რომ Apple-მა გარეგნული მხარე უცვლელად დატოვა.ძირითადი ყურადღება კი მაინც მის მეტად ფუნქციონალობასა და ახალ iPhone OS 3.0 სისტემაზეა გადატანილი.

ამჯერად სახეზეა 3 მეგაპიქსელიანი კამერა, ავტოფოკუსით და ფერთა ავტომატური ბალანსით. აგრეთვე ვიდეო 640 x 480 30 ფრეიმით ყოველ წამში, ვოდეოს დაედითება და ამოჭრა მულტი თაჩ კონტროლით.
3GS-ს დაემატა კიდევ ერთი შესანიშნავი ფუნქცია (Voice Control), ანუ ტელეფონის ნომრის წარმოთქმის შემდეგ iPhone იმეორებს ჩვენს სიტყვებს და რეკავს შესაბამის ნომერზე. იგივე ფუნქციით შეიძლება გავიგოთ თუ რა სიმღერას ვუსმენთ, ვინ არის სიღერის ავტორი, ალბომის დასახელება და ა.შ. ეს ფუნქცია iPod Shuffle-ის მომხმარებლებისათვის კარგადაა ცნობილი.

კიდევ ერთი მისასალმებელი ფაქტი, გაუმჯობესებული ბატარეის ხანგრძლივობაა. iPhone 3GS-ზე უკვე 9 საათი WiFi, რაც 3საათით მეტია 3G-ზე, 10 საათი ვიდეოს ხანგრძლივობა- 3 საათით მეტი 3G-ზე და 30 სააათი აუდიო playback 24-ის ნაცვლად.ეფლი iPhone 3GS-ის სხვადასხვა მოდელებს გვთავაზობს განსხვავბულ ფასად: 32გიგაბაიტი – $299. 16გბ. – $199. 8გიგაბაიტიანი iPhone 3G კი 99 დოლარად. ეს გრანდიოზული სეილი 19 ივნისიდან დაიწყება.

PSP Go!

ამ კვირას E3 2009 (Electronic Entertainment Expo ) -ზე ლოს-ანჯელესში SONY-მ თავისი ახალი ქმნილების- PlayStation Portable PSP Go-ს გამოშვების შესახებ განაცხადა. ახალი ორიგინალური PSP Go ძველი PSP-გან ვიზუალურად საგრძნობლად განსხვავდება. მიუხედავად ამისა მასზე ჩვეულებრივ ხელმისაწვდომია ყველა ის თამაში და აპლიკაცია, რომელიც PSP-სთვის  თავის დროზე იყო შექმნილი.

PSP Go უფრო პატარა და მსუბუქია, დამატებული შესანიშნავი სლაიდ კონტროლ პანელით. SONY-მ მხარი არ დაუჭირა ერთ დროს საკმაოდ პოპულარულ UMD(Universal Media Disc) ფორმატს, მის სანაცვლოდ კი ფლეშ-მეხსიერებაა გამოყენებული. აღსანიშნავია ისიც რომ ის 43%-ით უფრო მჩატეა, ვიდრე PSP-3000.
PSP Go 3.8-ინჩი ეკრანითაა (იმ დროს როდესაც PSP-ს ყველა წინა ყველა ვერსია 4.3-ინჩია)
შიდა მეხსიერება- 16 გიგაბაიტით და სლოტი კარტებისთვის Memory Stick Micro (M2). PlayStation Network-ის მხარდაჭერა და თავსებადობა სათამაშო კონსოლებთან PlayStation 3. PSP Go-ს დამატებული აქვს აგრეთვე Bluetooth მოდული.

უფრო ნათელი ეკრანი, მცირე წონა, მოხერხებული ზომა, საგრძნობლად გაზრდილი შიდა მეხსიერება, ბლუთუზი და დამატებული სლაიდ კონტროლ პანელი. მიუხედავად ამ სიახლეებისა SONY არ ფიქრობს PSP 3000-ის ჩანაცვლებას PSP Go-თი. ორივე მოდელი სხვადასხვა ტიპის მომხმარებლისთვისაა გათვლილი. ის ვინც ინტერნეტით, ვიდეოთი და სხვა აპლიკაციებით მეტადაა გატაცებული, მათთვის PSP-3000 კვლავ შეუცვლელი იქნება. PSP Go კი გეიმინგისთვისაა უფრო მეტად მოხერხებული.

PSP Go-ს ფასი და გაყიდვის თარიღი უკვე ცნობილია, ის სავარაუდოდ 1 ოქტომბერს გამოჩნდება 250 დოლარად. ჯერ-ჯერობით მხოლოდ აშშ-ში, მოგვიანებით კი ევროპასა და იაპონიაში.